Foto: ©RIA Novosti
Resei men Qazaqstan arasynda diplomatiialyq qarym-qatynastyń ornaǵanyna 30 jyl tolýyna orai Resei syrtqy ister ministri Sergei Lavrovtyń úndeýi jariialandy, - dep habarlaidy Tengrinews.kz agenttigi RF SIM saityna silteme jasap.
Úndeýde eki el arasyndaǵy qarym-qatynastar strategiialyq seriktestik pen odaqtastyq rýhynda birtindep damyp kele jatqany atap ótilgen.
"Ekonomikamyz úshin ómirlik mańyzdy salalarda, ǵylymi-bilim berý salasynda iri birlesken jobalar júzege asyrylyp jatyr. Resei men Qazaqstannyń tranzit áleýetiniń artyqshylyqtary tiimdi paidalanylyp jatyr. Shaǵyn jáne orta biznes arqyly bailanystar keńeiip keledi. Álemdegi eń uzyn qurlyq shekarasy boiynda yntymaqtastyq damyp keledi.
Naǵyz strategiialyq áriptestiktiń jarqyn mysaly – "Baiqońyr" ǵarysh ailaǵyn birlesip paidalaný", - dedi Sergei Lavrov "Halyqaralyq ómir" jýrnalynyń oqyrmandaryna arnaǵan sózinde.
Sondai-aq, saiasatker eki el arasyndaǵy mádeni-gýmanitarlyq almasý qarqyndy damyp kele jatqanyn aitty. Máskeý men Astananyń eýraziialyq keńistiktegi jemisti yntymaqtastyǵy da atap ótildi.
"Osyǵan bailanysty kóshbasshylarymyz, úkimet basshylary, sondai-aq Resei men Qazaqstan arasyndaǵy yntymaqtastyq jónindegi úkimetaralyq komissiia tóraǵalarynyń senimdi dialogy rólin asyra baǵalaý qiyn. Qazaqstandyq dostarymyzben qarym-qatynasymyzdyń bolashaǵyna optimizmmen qaraimyz.
Bizdiń aramyzǵa syna qaǵý eshkimniń qolynan kelmeidi. Qoldanystaǵy ózara senim deńgeii elderimizdiń aldyndaǵy kez kelgen, tipti eń kúrdeli máselelerdi ashyq talqylaýǵa jáne olardy sheshýdiń ózara qolaily joldaryn kelisýge múmkindik beredi. Bul rette biz munymen toqtap qalmaimyz. Biz aimaqtyq qaýipsizdik pen turaqtylyqty nyǵaitý jolynda baýyrlas halyqtarymyzdyń igiligi úshin ekijaqty qarym-qatynastardy jańa shekaralarǵa shyǵarý múddesinde birlesip jumys isteýdi jalǵastyramyz", - delingen Resei syrtqy ister ministri málimdemesinde.
