Qazaq tili álipbiin kirillitsadan latyn grafikasyna kóshirýdiń keibir máseleleri týraly Prezident Jarlyǵynyń jobasy qoǵamdyq talqylaýǵa shyǵaryldy. "Ashyq normativtik quqyqtyq aktileri" portalynda jańa álipbidiń sońǵy nusqasy da jariialanyp otyr. Oǵan bir ózgeris engizildi, dep habarlaidy "Ult aqparat".
"Joǵaryda atalǵan jarlyqpen bekitilgen latyn grafikasyna negizdelgen qazaq tili álipbii osy jarlyqqa qosymshaǵa sáikes jańa redaktsiiada jazylsyn. Qazaqstan Respýblikasynyń úkimeti qazaq tiliniń latyn grafikasyna negizdelgen emle qaǵidalaryn bekitsin", - delingen qujat jobasynda.
Jarlyq qosymshasynda jańa álipbidiń sońǵy nusqasy bar. 21 sáýirde jariialanǵan jarlyqtyń jobasy 6 mamyrǵa deiin talqylaýǵa shyǵarylyp otyr.
Aita keteiik, buǵan deiin Prezident Qasym-Jomart Toqaevqa jańa álipbidiń nusqasy tanystyrylǵan bolatyn. Onda ýmlaýt, brevis, sedil men makron siiaqty tórt birdei diakritikalyq belgi bar. Budan bólek, kirill álipbiinen kelgen keibir áripterdi alyp tastady. Biraq qoǵamdyq talqylaýǵa shyǵarylǵan nusqada "ń" árpin basqa tańbamen bergen. Prezidentke tanystyrǵan nusqada "ƞ" tańbasy bolsa, jarlyqtyń qosymshasynda "ñ" dep kórsetilgen.
Prezident Qasym-Jomart Toqaevqa tanystyrylǵan jańa álipbidiń nusqasy
