Latyn álipbiine bailanysty kereǵar pikirler bolyp jatyr. Pikir talas kerek, biraq is júzine asyrý odan da mańyzdy! Bizge qazir naqty qadam qajet!
Shyny kerek, bul másele bizdiń ótkenimiz ben bolashaǵymyzdyń ainasy tárizdi. Men biliktiń kóptegen máselesimen kelispeimin, ol jóninde ózimniń oiymdy ashyq bildiremin. Eki máselesimen tolyq kelisip, qoldap júrmin.
"Rýhani jańǵyrý", sonyń ishinde latyn álipbiine kóshý máseleleri. Rýhani jańǵyrý degenimiz, "modernizatsiia", adam, qoǵam óziniń ómirinde kúnde, saǵat saiyn ózgeriske daiyn bolyp, ózgere bilýi qajet. Olai bolmasa, tarihtyń tasasynda qalasyń, ýaqyt keńistiginen shyǵyp, ult retinde joiylasyń. Qazaqqa ult retinde joiylý qajet pe? Joq. Meniń oiymsha, ózderiniń jany-táni qazaq dep sezinetin jandar, bul máseleni oilanbastan qoldaýy qajet.
Latyn álipbii, bizdiń dúniejúzilik ǵylym, jańashyldyq, rýhani álemine ótýimiz úshin qajet dúnie. Dúniede búkil halyqtyń 80 paiyzy latyn árpine kóship ketken. Ekonomika, noý-haý, rýhani álem osy boiynsha damyp jatyr. Osyndai aýqymdy, bizdiń bala-shaǵa úshin ózekti máselege kelgende jaýapty bolyp, "bir jeńnen qol, bir jaǵadan bas shyńaǵyp" ózimizdiń óresimizdi kórsetý qajet-aq. Oiynshyqqa ainaldyrǵysy keledi! Biraq, taǵy da kelispeýshilik, keri tartýshylyq basym ba degen oi keldi. Bizge latynǵa ótý kerek. Biz úshin emes, bizdiń bala-shaǵa úshin. Ózimizdi oilamai-aq qoiaiyq.
Men eshkimge ózimniń oiymdy májbúrleýden aýlaqpyn, bir baýyryma: "latynnyń qandai da mátini qabyldanǵan kúni kóshemin", dep edim. Sol oiymnan áli tanǵan joqpyn. Óz basym táýekelge daiyn... Qazaq, bir ulttyń pýshkasynan, pýlemetinen qoryqqan eken. Basqa eshkimnen qoryqpaǵan qazaq, kádimgishe qorqyp,sestenip otyrǵan. Atam aitýshy edi, "qoryqqan joq, jaýap beretin quraly bolmady" dep. Tehnika bolmaǵan. Sol tehnikanyń jańa álpetine jetý úshin, bizge jańa turpat qajet. Ózimizdiń turpat....
Erlan Sairovtyń feisbýktaǵy jazbasynan
