Búgin «Egemen Qazaqstan» gazetinde jaryq kórgen Qazaqstan Prezidenti Nursultan Nazarbaevtyń «Bolashaqqa baǵdar: rýhani jańǵyrý» atty maqalasynda elimizdiń ideologiialyq jumystaryna asa mán berilgen. Bul pikirdi belgili zańger Marat Bashimov bildirdi, dep habarlaidy Ult.kz tilshisi QazAqparat agenttigine silteme jasap.
«Búgin «Egemen Qazaqstan» gazetinde jaryq kórgen maqalasynda Elbasy ideologiialyq jumystarǵa basa mán berip otyr. Jalpy, maqala mazmuny sońǵy ýaqytta elimizde júrgizilgen ekonomikalyq, konstitýtsiialyq, saiasi reformalarmen tyǵyz bailanysta deýge tolyq negiz bar. Iaǵni, bul máseleler ideologiialyq jumystarmen qatar júrýi tiis. Qazaqstandyqtardyń ulttyq sana-sezimin otansúigishtigin, kóterý qajet», - dedi Bashimov.
Onyń atap ótýinshe, endigi ýaqytta qazaqstandyq otansúigishtik máselesine basa mán berilýi tiis.
«Qazir aqparattyq tehnologiialar zamany. Internet, áleýmettik jelilerdi damytý bizdiń tanymymyzdy barynsha joǵary deńgeige kóterýge qyzmet etýi qajet. El aldymen ózimizdiń quqyqtyq sana-sezimimizdi kóterýge tiispiz. Biz Ekonomikalyq yntymaqtastyq jáne damý uiymynyń standarttaryna, álemniń damyǵan 30 eliniń qataryna qosylýǵa umtylýymyz kerek», - dedi tanymal zańger.
Degenmen, onyń atap ótýinshe, munyń barlyǵyna qol jetkizý úshin adami kapitaldy damytý qajet.
«Memlekettik tildi, qazaqstandyq otansúigishtikti, óz Otanyńa degen súiispenshilikti damytý kerek. Latyn álipbiin búkil álem elderi qoldanady. Sondyqtan ony qoldanýymyz órkenietti elderdiń standarttaryna memleketimizdi jaqyndata túsedi», - dedi Bashimov.
Barlyq quqyqtar qorǵalǵan. inform.kz belsendi siltemeni paidalanyńyz http://www.inform.kz/kz/elbasynyn-makalasynda-elimizdin-ideologiyalyk-zhumystaryna-asa-man-berilgen-marat-bashimov_a3016420
.jpeg)