Sýret: Akorda.kz
Ulttyq qaýipsizdik komiteti eki teraktiniń aldyn alǵanyn málimdedi, dep habarlaidy Sputnik Qazaqstan.
Komitet tóraǵasynyń birinshi orynbasary Rýslan Seisembaevtyń aitýynsha, kúsh qurylymdary Qazaqstanda jyl saiyn kem degende eki teraktiniń aldyn alady.
"Biyl ǵana Túrkistandaǵy Qoja Ahmet Iassaýi kesenesinde qoldan jasalǵan jarylǵysh zatty jaryp jibergisi kelgenderdiń áreketi daiyndyq kezinde anyqtaldy, teraktige jol berilmedi. Sondai-aq Astanada adam kóp jinalatyn jerde qarýly shabýyl jasaý jospary bolǵan. Oǵan da jol berilgen joq", - dedi Seisembaev ShYU terrorizmge qarsy qurylymnyń 40-shy keńesinde.
Al Shanhai yntymaqtastyq uiymyna múshe memleketter úshin terroristik qaýipter birqatar “basym faktorlardyń áserinen” týyndap otyr. Ondai qaýipter kúrt kóbeigen.
"2022 jyly 18 (terakt - red. ), 2023 jyly 47-ge jetti. Terroristerdiń qolynan 400-den astam beibit azamat qaza tapty, shamamen 940 adam jaraqat aldy", - deidi Seisenbaev.
Kúsh qurylymdary men Ishki ister organdary 300-den astam terrorizmge qarsy operatsiia ótkizgen. 1 600 terrorist pen olardyń sybailastary ustalyp, bilikke qarsy qarsylyq kórsetken 60-qa jýyq qylmyskerdiń kózi joiylǵan.
