Lamin Iamal Ispaniia quramasymen birge alǵash ret fýtboldan álem chempiony atandy, dep habarlaidy ult.kz.
2026 jylǵy álem chempionatynyń finalynda Ispaniia quramasy Argentinany 1:0 esebimen jeńip, basty júldeni ielendi.
Oiyn aiaqtalǵannan keiin kópshiliktiń nazaryn aýdarǵan erekshe sát oryn aldy. Finaldyq ysqyryq estilgen soń 19 jastaǵy Iamal Argentina kapitany Lionel Messige baryp, ony qushaqtap, qoldaý sózderin aitty. Bul áserli kórinis tikelei efirden kórsetilip, áleýmettik jelilerde keńinen tarady.
Bul kezdesýdiń simvoldyq máni de erekshe. Osydan 18 jyl buryn, IýNISEF-tiń qaiyrymdylyq kúntizbesine arnalǵan fotosessiia kezinde jas Lionel Messi nebári bir jasar Lamin Iamaldy qolyna kóterip sýretke túsken bolatyn. Jyldar óte sol sábi álem fýtbolynyń jańa juldyzyna ainalyp, taǵdyrdyń jazýymen álem chempionatynyń finalynda Messige qarsy alańǵa shyqty.
Fýtbol jankúierleri bul sátti «urpaqtar sabaqtastyǵynyń simvoly» dep baǵalap, eki býynnyń bir kadrda toǵysqan erekshe tarihy ekenin atap ótti.
