Foto: Halyqstan
Jetisý oblysynyń turǵyny Azat Qazanǵaptyń 3 jastaǵy qyzyn soqqyǵa jyqty degen kúdikpen ustalǵany belgili boldy. Bul týraly Halyqstan Telegram arnasy jazdy, dep habarlaidy Ult.kz.
Aldyn ala málimet boiynsha, er adam keshe masań kúide ustalǵan. Ol óz qyzyna kúsh qoldandy degen kúdikke ilingen. Qazirgi tańda zardap shekken bala jansaqtaý bóliminde jatyr, dárigerler onyń jaǵdaiyn aýyr dep baǵalap otyr.
Aita keterligi, buǵan deiin áleýmettik jelilerde ustalǵan adamǵa uqsas er adam qyz balanyń emine, naqtyraq aitqanda baýyr transplantatsiiasyna qarajat jinaý týraly jazba jariialaǵan. Atalǵan jazbadaǵy bala men qazirgi jábirlenýshi bir adam bolýy múmkin degen kúdik týyndap otyr.
Qazir kúdiktige QR Qylmystyq kodeksiniń 106-baby — «Kámeletke tolmaǵan adamǵa qatysty densaýlyqqa qasaqana aýyr ziian keltirý» boiynsha aiyp taǵylyp otyr.
Atalǵan bap boiynsha 6 jyldan 10 jylǵa deiin bas bostandyǵynan aiyrý jazasy kózdelgen.
Buǵan deiin Taldyqorǵanda er adam áieli men úsh jasar balasyn aiaýsyz soqqyǵa jyqqanyn jazǵanbyz.
