Sot Batys Qazaqstan oblysynda mas kúide jol-kólik oqiǵasyn jasaǵan politsiia qyzmetkerin qamaýǵa alýǵa sanktsiia berdi. Aqparatty oblystyq politsiia departamenti rastady, - dep habarlaidy Tengrinews.kz.
"Sot sanktsiiasy boiynsha, kúdikti eki aiǵa qamaýǵa alyndy. Ol oqiǵa bolǵan kúnnen bastap qamaýda. Qazir qajetti tergeý amaldary júrgizilip jatyr", - dedi BQO PD baspasóz qyzmeti ókili.
Jol-kólik oqiǵasyna ushyraǵan ekinshi kólik iesi politseidiń ustalýyna qatysty pikir bildirdi.
"Oqiǵa saldarynan anam qaitys boldy. Jeti ailyq qyzynyń aiaǵy julyndy. Aýrýhanada jatyrmyz. Jol apatynan áielim de zardap shekti. Meniń otbasym kinálige eń aýyr jaza taǵaiyndalýyn talap etedi" – dedi Tórehan Bekjanov.
Aita keteiik, 1 jeltoqsanda keshke Oral-Tasqala tasjolynda eki kólik betpe-bet soqtyǵysqan bolatyn. Hyundai Accent kóligi tizgininde BQO Terekti aýdanyna qarasty Politsiia bólimi bastyǵynyń orynbasary otyrǵan. Júrgizýshi mas bolǵan. Politsei dereý qamaýǵa alyndy.
