سوت باتىس قازاقستان وبلىسىندا ماس كٷيدە جول-كٶلٸك وقيعاسىن جاساعان پوليتسييا قىزمەتكەرٸن قاماۋعا الۋعا سانكتسييا بەردٸ. اقپاراتتى وبلىستىق پوليتسييا دەپارتامەنتٸ راستادى, - دەپ حابارلايدى Tengrinews.kz.
"سوت سانكتسيياسى بويىنشا, كٷدٸكتٸ ەكٸ ايعا قاماۋعا الىندى. ول وقيعا بولعان كٷننەن باستاپ قاماۋدا. قازٸر قاجەتتٸ تەرگەۋ امالدارى جٷرگٸزٸلٸپ جاتىر", - دەدٸ بقو پد باسپاسٶز قىزمەتٸ ٶكٸلٸ.
جول-كٶلٸك وقيعاسىنا ۇشىراعان ەكٸنشٸ كٶلٸك يەسٸ پوليتسەيدٸڭ ۇستالۋىنا قاتىستى پٸكٸر بٸلدٸردٸ.
"وقيعا سالدارىنان انام قايتىس بولدى. جەتٸ ايلىق قىزىنىڭ اياعى جۇلىندى. اۋرۋحانادا جاتىرمىز. جول اپاتىنان ەيەلٸم دە زارداپ شەكتٸ. مەنٸڭ وتباسىم كٸنەلٸگە ەڭ اۋىر جازا تاعايىندالۋىن تالاپ ەتەدٸ" – دەدٸ تٶرەحان بەكجانوۆ.
ايتا كەتەيٸك, 1 جەلتوقساندا كەشكە ورال-تاسقالا تاسجولىندا ەكٸ كٶلٸك بەتپە-بەت سوقتىعىسقان بولاتىن. Hyundai Accent كٶلٸگٸ تٸزگٸنٸندە بقو تەرەكتٸ اۋدانىنا قاراستى پوليتسييا بٶلٸمٸ باستىعىنىڭ ورىنباسارى وتىرعان. جٷرگٸزۋشٸ ماس بولعان. پوليتسەي دەرەۋ قاماۋعا الىندى.
