Nege Qyzylorda? Qazaqtyń tarihyna etene Aq Orda, Kók Orda, Altyn Orda ataýlaryn kelmeske ketirsek te, Qyzylorda atyna nege jabystyq ta qaldyq?
«Qyzyl» ataýy keshegi kúshpen kollektivtendirý jasap, malyn tartyp alyp, qazaqtyń teń jartysyn ashtan qyrǵan, odan qala berdi qazaqtyń betke ustarlaryn atyp, asyp, qýdalaýǵa salǵan Keńes úkimetimen, qyzyldar partiiasymen bailanysty ekenin bile tura nege bul ataýdy ózgertýge talpynbaimyz? Álde, baiaǵyda kúiregen Keńes úkimetinen qalǵan úrei men quldyq sana jibermei tur ma?
Osy oraida qalany jáne oblysty qalai ataýǵa bolady degen oi týary anyq.
Tarihqa úńilsek, Qyzylordanyń baiyrǵy ataýy – Qamysqala. Keiin Aqmeshit atandy. Bul aimaqta ertede Ordakent, Syǵanaq qalalary bolǵan. Bular da qala atyn ielenýge laiyq. Jalpy, Qyzylorda oblysy - Aral teńiziniń shyǵysynda, Syrdariia ózeniniń tómengi aǵysynda jəne Turan oipatynda ornalasqan. Sondyqtan Qazaqstan, Syr boiy alty Alashtyń anasy, túrki dúniesiniń túp tamyry ekenin taǵy bir bekite túsý úshin Qyzylordany Syrdariia oblysy, Turan qalasy dep ózgertýdi usynamyn.
Beiimbet Mailin, Sáken Seifýllin, Sábit Muqanov, Iliias Jansúgirov, Ábdilda Tájibaev, Sabyr Sháripov, Qalmahan Ábdiqadyrov, Asqar Toqmaǵanbetov tárizdi qazaq ziialylarynyń izi qalǵan, Alashtyń anasy atanǵan kieli mekendi shynymen qurmet tutsaq, Ulttyq sanany jańǵyrtqymyz kelse, tarihi ádiletsizdikterden el tarihyn arashalap alǵymyz kelse, ózgertý kerek. Bilemiz, oǵan birshama qarajat ketedi. Alaida ulttyq rýh, namys odan da biik ári qymbat.
Ádilbek Qaba
Ult portaly
