Foto: rail-news.kz
Qyzylorda oblysy turǵyndary úshin elorda jáne iri megapolistermen kólik qatynasynyń qoljetimdiligi – ózekti máselelerdiń biri. Qazirgi tańda aimaq halqy Astana men Almaty qalalaryna qatynaýda negizinen áýe jáne avtobýstyq tasymaldarǵa súienedi. Bul ýaqyt pen qosymsha qarjylyq shyǵyndar men qolaisyzdyqtar týyndatady. Osyǵan bailanysty Qyzylorda qalasynan Astanaǵa tikelei jolaýshylar poiyzyn iske qosý máselesi jii kóterilip keledi. Osy suraqty Ult.kz tilshisi Qyzylorda oblysynyń ákimi Nurlybek Nálibaevqa qoidy.
"Biz bul usynys boiynsha aldaǵy ýaqytta ministrlikpen jumys istep kóremiz. Bizden qatynaityn birneshe poiyz bar ǵoi, Semeige, Kókshetaýǵa. Olar Astana arqyly júrip jatyr ǵoi. Al tikelei qatynaýǵa qatysty qajettilik bolsa, aldaǵy ýaqytta ministrlikpen jumys istep kóreiik", - dep jaýap berdi ákim Ortalyq kommýnikatsiialar qyzmetinde ótken brifingte.
