Qyzylorda oblysynda Atyraýda vahtalyq ádispen jumys istep kelgen 3 azamatqa koronavirýs infektsiiasy diagnozy qoiyldy, dep habarlaidy "Ult aqparat".
Qazirgi tańda oblysta koronavirýs infektsiiasyn juqtyrǵan 204 adam bar.
Onyń ishinde 118 adam syrqatynan tolyq aiyǵyp shyqty.
«Atyraýdan keshe vahtalyq ádispen jumys isteitin 170 adam kelgen bolatyn. Olardyń úsheýinen koronavirýs infektsiiasy anyqtaldy. Sondai-aq, sońǵy táýlikte kópbeiindi qalalyq aýrýhananyń 3 qyzmetkeri de qaterli indetti juqtyryp aldy. Olardyń virýsty juqtyrǵany skriningtik tekserý barysynda belgili boldy. Qazirgi tańda naýqastardyń jaǵdaiy birqalypty, emderin alyp jatyr», – dedi Jaqsylyq Ábilqasymuly.
Sondai-aq, koronavirýs infektsiiasyn juqtyrǵandarmen bailanysta bolǵan 2966 azamat anyqtaldy. Onyń ishinde, 1577-i jaqyn qarym-qatynasta, 1389-y janama bailanysta bolǵan.
