Qańtardaǵy tártipsizdik kezinde Qyzylordadaǵy jergilikti politsiia qyzmeti ǵimaratyna qarýly shabýyl jasalǵan.
Bul týraly Ortalyq kommýnikatsiialar qyzmetinde QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Jeke adamdardyń barlyq jaǵdailardy bilmei, qylmystyq is týraly kópshilik aldynda pikir bildirý jaǵdailary bar. Elimizdiń belgili sportshysynyń Facebook paraqshasynda M. esimdi azamatqa qatysty bultartpaý sharasyn negizsiz qoldanýǵa qatysty málimetter jariialandy. Bul jaǵdaida keibir málimetterdi naqtylaǵym keledi. Atalǵan azamat bir top adammen birge Qyzylorda qalasynyń jergilikti politsiia qyzmeti ǵimaratyna qarýly shabýyl jasap, politsiia qyzmetkeriniń basyna aýyr jaraqat saldy degen kúdikke ilindi. Atys nátijesinde shabýyldaýshylardyń biri kóz jumdy. Túnde M. esimdi er adam máiithanaǵa kirip, politsiia qyzmetkerlerine shabýyl jasaýǵa qatysqanyn jasyrý úshin qaitys bolǵan seriktesiniń denesin urlady. Mundai kúdiktilerdiń kúzetpen ustaý túrindegi bultartpaý sharasyn ózgertýge jatpaidy», - dedi Qilymjanov.
Sonymen qatar ol Bas prokýratýra turaqty negizde qamaýda otyrǵan adamdardy ustaý jaǵdailaryna tekserý júrgizip jatqanyn aitty. Árbir kúdiktini jeke qabyldaý júrgiziledi, ustaý sharttaryna shaǵym bolǵan kezde – sharalar dereý qabyldanady.
