قاڭتارداعى تەرتٸپسٸزدٸك كەزٸندە قىزىلورداداعى جەرگٸلٸكتٸ پوليتسييا قىزمەتٸ عيماراتىنا قارۋلى شابۋىل جاسالعان.
بۇل تۋرالى ورتالىق كوممۋنيكاتسييالار قىزمەتٸندە قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«جەكە ادامداردىڭ بارلىق جاعدايلاردى بٸلمەي, قىلمىستىق ٸس تۋرالى كٶپشٸلٸك الدىندا پٸكٸر بٸلدٸرۋ جاعدايلارى بار. ەلٸمٸزدٸڭ بەلگٸلٸ سپورتشىسىنىڭ Facebook پاراقشاسىندا م. ەسٸمدٸ ازاماتقا قاتىستى بۇلتارتپاۋ شاراسىن نەگٸزسٸز قولدانۋعا قاتىستى مەلٸمەتتەر جارييالاندى. بۇل جاعدايدا كەيبٸر مەلٸمەتتەردٸ ناقتىلاعىم كەلەدٸ. اتالعان ازامات بٸر توپ اداممەن بٸرگە قىزىلوردا قالاسىنىڭ جەرگٸلٸكتٸ پوليتسييا قىزمەتٸ عيماراتىنا قارۋلى شابۋىل جاساپ, پوليتسييا قىزمەتكەرٸنٸڭ باسىنا اۋىر جاراقات سالدى دەگەن كٷدٸككە ٸلٸندٸ. اتىس نەتيجەسٸندە شابۋىلداۋشىلاردىڭ بٸرٸ كٶز جۇمدى. تٷندە م. ەسٸمدٸ ەر ادام مەيٸتحاناعا كٸرٸپ, پوليتسييا قىزمەتكەرلەرٸنە شابۋىل جاساۋعا قاتىسقانىن جاسىرۋ ٷشٸن قايتىس بولعان سەرٸكتەسٸنٸڭ دەنەسٸن ۇرلادى. مۇنداي كٷدٸكتٸلەردٸڭ كٷزەتپەن ۇستاۋ تٷرٸندەگٸ بۇلتارتپاۋ شاراسىن ٶزگەرتۋگە جاتپايدى», - دەدٸ قيلىمجانوۆ.
سونىمەن قاتار ول باس پروكۋراتۋرا تۇراقتى نەگٸزدە قاماۋدا وتىرعان ادامداردى ۇستاۋ جاعدايلارىنا تەكسەرۋ جٷرگٸزٸپ جاتقانىن ايتتى. ەربٸر كٷدٸكتٸنٸ جەكە قابىلداۋ جٷرگٸزٸلەدٸ, ۇستاۋ شارتتارىنا شاعىم بولعان كەزدە – شارالار دەرەۋ قابىلدانادى.
