Qyzylorda qalasynda ornalasqan "Atameken" otbasy úlgisindegi balalar aýylyndaǵy úilerdiń birine "Qasiretti qańtar" oqiǵasy kezinde erlikpen qaza tapqan Ulttyq ulan jaýyngeri, III dárejeli Aibyn ordeniniń iegeri Qaisarov Madiiardyń esimi berildi, - dep habarlaidy Tengrinews.kz tilshisi Ulttyq ulanynyń baspasóz qyzmetine silteme jasap.
Ashylý saltanatyna oblystyq bilim basqarmasynyń basshysy Aqzira Qasymova, Qyzylorda garnizonynyń áskeri prokýrory ádilet polkovnigi Ǵalymjan Mahanbetov, Ulttyq ulan 5547 áskeri bóliminiń komandiri podpolkovnik Tólebi Chýbaev, ardagerler keńesi tóraǵasynyń orynbasary Erlan Ábdikárimov jáne batyr jaýyngerdiń ata-analary men áskeri qyzmetshiler, balalar aýylyn tárbielenýshileri qatysqan.
Shara eń aldymen, beibit kúnniń batyr jaýyngeri Madiiar Orazalyulyn eske alý úshin bir minýt únsizdikpen bastalǵan. Keiin basqarma basshysy sóz sóilep, úige batyrdyń esimi berilýi oǵan degen qurmettiń belgisi ekenin, jastardyń patriottyq sezimin oiatyp, olardy elge degen alańdaýshylyq, súiispenshilik sezimine tárbieleý ekenin jetkizdi.
Sharada jaýynger qyzmet etken 5547 áskeri bólimniń komandiri podpolkovnigi Tólebi Chýbaev men ardagerler keńesi tóraǵasynyń orynbasary Erlan Ábdikárimov, Qyzylorda garnizonynyń áskeri prokýrory ádilet polkovnigi Ǵalymjan Mahanbetov sóz sóilep, Madiiardyń óz jumysyna adal bolǵandyǵyn aityp eske aldy.
"Sondai-aq, batyr jaýyngerdiń ata-analary uldaryna arnap úidiń esimin bergen oblystyq bilim basqarmasy men balalar aýylyna rizashylyqtaryn jetkizdi. Jalǵyz ulynan aiyrylǵan shaqta Orazaly Beiisbekov qatty qaiǵyrǵan bolatyn, ulynyń esimin jańǵyrtyp jatqan ujymǵa raqmet aityp, erekshe tolqydy", - delingen habarlamada.
Aita keteiik, Madiiar Qaisarov "Qasiretti qańtar" oqiǵasy kezinde qoǵamdyq tártipti qalpyna keltirý boiynsha qyzmettik-jaýyngerlik mindetterin atqarý kezinde qaza tapqan. Búlikshiler áskeri júk kóligin qoldy etip, ony sarbazdarǵa baǵyttaǵan. Sol sátte Madiiar batyr janyndaǵy serikterin iterip úlgerip, ózi "KamAZ" kóliginiń astynda qalǵan bolatyn.
