Foto: ©El.kz/Erbol BEKBOLAT/Midjourney
Advokat Gúlaihan Tursumanova Qyzylordada jynystyq quldyqta bolǵan jasóspirim qyzdyń isine qatysty suhbat berdi, dep habarlaidy Ult.kz.
Gúlaihan Tursumanovaǵa ótken jyldyń tamyz aiynda «Ne molchi KZ» qorynyń jetekshisi Dina Tańsári habarlasyp, oqiǵany baiandap bergen, sodai keiin advokat qyzdyń ózimen jolyǵý úshin onyń úiine barǵan.
"Biz iske qatysyp bastaǵanymyzda negizgi 3 aiyptalýshyǵa úiqamaq jazasy taǵainydalǵan edi. Biraq biz qaýlyǵa apelliiatsiialyq shaǵym túsirip, olardy qamattyq. Qazirgi tańda osy is boiynsha 5 úkim shyqty. Iaǵni Qazaqstan Respýblikasy Qylmystyq Kodeksiniń 309 baby boiynsha eki úkim, 299 baby boiynsha bir úkim, 134 baby boiynsha bir úkim jáne 194 bir úkim shyǵyp, zańdyq kúshine endi", - deidi ol.
Advokat qalǵan 8 aiyptalýshyǵa qatysty isi prokýratýraǵa joldanǵanyn aityp otyr.
"Prokýratýradan keiin ol sotqa joldanady. Qańtar aiy nemese aqpan aiynyń basynda sot otyrystary bastalady. Aiyptalýshy sany — 13 adam. Onyń ishinde beseýi kámelet jasyna tolmaǵan", - deidi Gúlaihan Týrsýmanova.
Advokat jábirlenýshimen jii bailanysta ekenin aitty.
"Kúni keshe olar aýrýhanaǵa jatyp, em qabyldap jatyr", -dedi Gúlaihan Tursumanova.
Advokattyń sózinshe sottalýshylardyń arasynda tek bireýi ǵana óziniń kinásin tolyq moiyndaǵan, qalǵandary keshirim suramady.
