فوتو: ©El.kz/ەربول بەكبولات/Midjourney
ادۆوكات گٷلايحان تۇرسۇمانوۆا قىزىلوردادا جىنىستىق قۇلدىقتا بولعان جاسٶسپٸرٸم قىزدىڭ ٸسٸنە قاتىستى سۇحبات بەردٸ, دەپ حابارلايدى Ult.kz.
گٷلايحان تۇرسۇمانوۆاعا ٶتكەن جىلدىڭ تامىز ايىندا «نە مولچي KZ» قورىنىڭ جەتەكشٸسٸ دينا تاڭسەرٸ حابارلاسىپ, وقيعانى بايانداپ بەرگەن, سوداي كەيٸن ادۆوكات قىزدىڭ ٶزٸمەن جولىعۋ ٷشٸن ونىڭ ٷيٸنە بارعان.
"بٸز ٸسكە قاتىسىپ باستاعانىمىزدا نەگٸزگٸ 3 ايىپتالۋشىعا ٷيقاماق جازاسى تاعاينىدالعان ەدٸ. بٸراق بٸز قاۋلىعا اپەلليياتسييالىق شاعىم تٷسٸرٸپ, ولاردى قاماتتىق. قازٸرگٸ تاڭدا وسى ٸس بويىنشا 5 ٷكٸم شىقتى. ياعني قازاقستان رەسپۋبليكاسى قىلمىستىق كودەكسٸنٸڭ 309 بابى بويىنشا ەكٸ ٷكٸم, 299 بابى بويىنشا بٸر ٷكٸم, 134 بابى بويىنشا بٸر ٷكٸم جەنە 194 بٸر ٷكٸم شىعىپ, زاڭدىق كٷشٸنە ەندٸ", - دەيدٸ ول.
ادۆوكات قالعان 8 ايىپتالۋشىعا قاتىستى ٸسٸ پروكۋراتۋراعا جولدانعانىن ايتىپ وتىر.
"پروكۋراتۋرادان كەيٸن ول سوتقا جولدانادى. قاڭتار ايى نەمەسە اقپان ايىنىڭ باسىندا سوت وتىرىستارى باستالادى. ايىپتالۋشى سانى — 13 ادام. ونىڭ ٸشٸندە بەسەۋٸ كەمەلەت جاسىنا تولماعان", - دەيدٸ گٷلايحان تۋرسۋمانوۆا.
ادۆوكات جەبٸرلەنۋشٸمەن جيٸ بايلانىستا ەكەنٸن ايتتى.
"كٷنٸ كەشە ولار اۋرۋحاناعا جاتىپ, ەم قابىلداپ جاتىر", -دەدٸ گٷلايحان تۇرسۇمانوۆا.
ادۆوكاتتىڭ سٶزٸنشە سوتتالۋشىلاردىڭ اراسىندا تەك بٸرەۋٸ عانا ٶزٸنٸڭ كٸنەسٸن تولىق مويىنداعان, قالعاندارى كەشٸرٸم سۇرامادى.
