Foto: gulmir_ktk
Júrgizýshi, bloger Gúlmira Ábiqai Instagram-paraqshasynda Qyzylordada bolǵan alaiaqtyq deregi týraly jazdy, - dep habarlaidy Massaget.kz.
Onyń sózinshe, qyzylordalyq kelin aqshadan qysylyp, abysynymen erekshe qylmys túrin oilap tapqan.
"Ótirik kúieýge tiip, artynan qalyń mal ákelgen soń túrli syltaýmen "ǵaiyp bolatyn" kelinder jaily kóp estidim. Túrkistan men Qyzylorda oblysynda mundai kelin qashyratyn jeńge qýyp keletin naǵashy ápke úshtiginen qurylǵan alaiaqtyq top bary da jasyryn emes. Kezekti "kelin" - Aqerke. Qalyń malyn alyp, Araldan Qazalyǵa attanǵan qudalar qyz aitqan meken jaidy taba almaidy. Sóitse, jańa túsken kelin 3 balasy, kúieýi bar kádimgi bir otbasyn shyr úiirip otyrǵan áiel eken. Aqshadan qatty qysylǵan soń abysyny ekeýi oilap tapqan amaly kúieýge qaita tiiý bolypty. Aýylda maly kóp ynjyq jigitter jetedi", - dep jazdy ol.
Jazbaǵa túrli pikir jazylǵan:
"Sottaý kerek mundailardy! Alaiaqtyq deregi boiynsha", "Estimegen elde kóp", "Ne aitýǵa bolady mynadai ónerdi kórip, qyzdarymyzdy úide qamap ustaimyz ba? Alla saqtasyn, ne bolyp barady?", "Masqara! Estimegen elde kóp, mundai qadamǵa barý úshin júrek jutqan bolý kerek shyǵar", "O, Qudaiym-ai, jalpy ózi jasalmaǵan qylmys qaldy ma, Jańa Qazaqstanda", "Má, ne degen masqara, ustalyp qalamyn dep qoryqpai ma? Masqara bolamyn dep", "Kúnde bir adam sengisiz oqiǵalar shyǵatyn boldy ǵoi, qursyn", "Joqshylyq nege aparmaidy..." - degen pikir bildirýshiler.
