فوتو: gulmir_ktk
جٷرگٸزۋشٸ, بلوگەر گٷلميرا ەبٸقاي Instagram-پاراقشاسىندا قىزىلوردادا بولعان الاياقتىق دەرەگٸ تۋرالى جازدى, - دەپ حابارلايدى Massaget.kz.
ونىڭ سٶزٸنشە, قىزىلوردالىق كەلٸن اقشادان قىسىلىپ, ابىسىنىمەن ەرەكشە قىلمىس تٷرٸن ويلاپ تاپقان.
"ٶتٸرٸك كٷيەۋگە تيٸپ, ارتىنان قالىڭ مال ەكەلگەن سوڭ تٷرلٸ سىلتاۋمەن "عايىپ بولاتىن" كەلٸندەر جايلى كٶپ ەستٸدٸم. تٷركٸستان مەن قىزىلوردا وبلىسىندا مۇنداي كەلٸن قاشىراتىن جەڭگە قۋىپ كەلەتٸن ناعاشى ەپكە ٷشتٸگٸنەن قۇرىلعان الاياقتىق توپ بارى دا جاسىرىن ەمەس. كەزەكتٸ "كەلٸن" - اقەركە. قالىڭ مالىن الىپ, ارالدان قازالىعا اتتانعان قۇدالار قىز ايتقان مەكەن جايدى تابا المايدى. سٶيتسە, جاڭا تٷسكەن كەلٸن 3 بالاسى, كٷيەۋٸ بار كەدٸمگٸ بٸر وتباسىن شىر ٷيٸرٸپ وتىرعان ەيەل ەكەن. اقشادان قاتتى قىسىلعان سوڭ ابىسىنى ەكەۋٸ ويلاپ تاپقان امالى كٷيەۋگە قايتا تييۋ بولىپتى. اۋىلدا مالى كٶپ ىنجىق جٸگٸتتەر جەتەدٸ", - دەپ جازدى ول.
جازباعا تٷرلٸ پٸكٸر جازىلعان:
"سوتتاۋ كەرەك مۇندايلاردى! الاياقتىق دەرەگٸ بويىنشا", "ەستٸمەگەن ەلدە كٶپ", "نە ايتۋعا بولادى مىناداي ٶنەردٸ كٶرٸپ, قىزدارىمىزدى ٷيدە قاماپ ۇستايمىز با? اللا ساقتاسىن, نە بولىپ بارادى?", "ماسقارا! ەستٸمەگەن ەلدە كٶپ, مۇنداي قادامعا بارۋ ٷشٸن جٷرەك جۇتقان بولۋ كەرەك شىعار", "و, قۇدايىم-اي, جالپى ٶزٸ جاسالماعان قىلمىس قالدى ما, جاڭا قازاقستاندا", "مە, نە دەگەن ماسقارا, ۇستالىپ قالامىن دەپ قورىقپاي ما? ماسقارا بولامىن دەپ", "كٷندە بٸر ادام سەنگٸسٸز وقيعالار شىعاتىن بولدى عوي, قۇرسىن", "جوقشىلىق نەگە اپارمايدى..." - دەگەن پٸكٸر بٸلدٸرۋشٸلەر.
