Aitýynsha, sottalýshy 10 kún boiy aýyrǵan, qan qusyp jótelgen. Al 21 naýryzda er adam qaitys bolǵan. Bul týraly oǵan marqumnyń áieli habarlaǵan.
"Oǵan qandai em jasaldy? Fliýrografiia jasaldy ma? Nege der kezinde meditsinalyq kómek kórsetilmedi? Tergeý izoliatoryndaǵy basqa adamdar da sýyq tiiýmen aýyrady deidi. Nege dezinfektsiia jasamaidy? – dep jazdy Toqtar Myrza.
Bul týraly Qyzylorda oblysy boiynsha Qylmystyq atqarý júiesi departamentiniń baspasóz qyzmeti túsinikteme berdi.
"Bul azamat QR QK-niń 120-baby (3-b, 1-t.) boiynsha aiyptalyp, 2021 jyly 30 qyrkúiekte Qyzylorda oblysy boiynsha QAJ departamentiniń ZK-169/1 mekemesine (tergeý izoliatoryna) kelgen.
Mekemege kelgen kúni ol tolyq meditsinalyq tekseristen ótkizilip, fliýorografiiaǵa túsirilgen. Nátijesi boiynsha ókpe aýrýyna shaldyǵatyny anyqtalmaǵan. Bunyń bári mekemeniń beinekameralaryna tirkelgen", - dedi vedomstvonyń baspasóz ortalyǵy.
Vedomstvonyń baspasóz qyzmetiniń málimetinshe, 17 jáne 21 naýryzda tergeý-qamaýyndaǵy azamat densaýlyq jaǵdaiyna bailanysty terapevt-dárigeriniń qabyldaýynda bolǵan, ol tekseris nátijesi boiynsha em-sharalar alǵan.
"Alaida densaýlyǵy nasharlap, mekeme ákimshiliginiń bastamasymen dereý jedel járdem brigadasy shaqyrylǵan. Jedel ókpe-júrek reanimatsiialyq alǵashqy kómek kórsetti. Alaida dárigerler qabyldaǵan sharalarǵa qaramastan, naýqasty qutqarý múmkin bolmady. Atalǵan derek aqparatty esepke alý kitabynda tirkelip, qyzmettik tekserý taǵaiyndaldy", - dep tolyqtyrdy ókildik.
Sýret avtory: Turar Qazanǵapov
