Qyzylorda oblysynda sońǵy 10 kúnde 45 toi ótkizý deregi anyqtaldy, dep habarlaidy "Ult aqparat".
Oblysta osy maqsatta 24 monitoring toby qurylǵan. Top músheleri karantin talabyn buzý jaǵdaiynyń basym bóligi úide ótetin kópshilik jiyn uiymdastyrýǵa qatysty ekenin aitady.
Biylǵy jyldyń 5 shildesinen bastap búgingi kúnge deiin ulttyq dástúrlik sipattaǵy túrli 420 kópshilik is-shara ótken. Mundai keleńsiz kórinister Qazaly aýdanynda kóp tirkelgen. Odan keiingi orynda Jalaǵash aýdany tur. Al úshinshi oryn Qyzylorda qalasynyń úlesinde.
«Sońǵy on kúnde oblys boiynsha 45 toi anyqtaldy. Sonyń ishinde 40 merekelik shara úide uiymdastyrylǵan. Al 5-ýi meiramhanada ótkizilgen. Toi-jiyndar qazir tek demalys kúnderi emes, jumys kúnderi de jii uiymdastyryla bastaǵany anyqtaldy. Sondyqtan arnaiy qurylǵan jumysshy top jumys kúnderi de jeke turǵyn úiler men meiramhanalarǵa, jalǵa beriletin kottedjderge júrgiziletin reid sharalary kúsheitilip otyr. Monitoring toby anyqtalǵan karantin talaptaryn buzý faktileri boiynsha 38 mln teńgeden astam ákimshilik aiyppul saldy», - dep málim etti Qyzylorda oblysy sanitarlyq-epidemiologiialyq baqylaý departamentinen.
Qyzylorda oblysynda búginge deiin 3269 adam koronavirýs infektsiiasyna shaldyǵyp, onyń 3218-i jazylyp shyqty. Qaterli dertten 15 adam kóz jumdy.
Ótken táýlikte Qyzylorda qalasynda koronavirýs infektsiiasymen 1 naýqas tirkeldi. Al, osy indetten 11 naýqas jazylyp shyqty.
