قىزىلوردا وبلىسىندا سوڭعى 10 كٷندە 45 توي ٶتكٸزۋ دەرەگٸ انىقتالدى, دەپ حابارلايدى "ۇلت اقپارات".
وبلىستا وسى ماقساتتا 24 مونيتورينگ توبى قۇرىلعان. توپ مٷشەلەرٸ كارانتين تالابىن بۇزۋ جاعدايىنىڭ باسىم بٶلٸگٸ ٷيدە ٶتەتٸن كٶپشٸلٸك جيىن ۇيىمداستىرۋعا قاتىستى ەكەنٸن ايتادى.
بيىلعى جىلدىڭ 5 شٸلدەسٸنەن باستاپ بٷگٸنگٸ كٷنگە دەيٸن ۇلتتىق دەستٷرلٸك سيپاتتاعى تٷرلٸ 420 كٶپشٸلٸك ٸس-شارا ٶتكەن. مۇنداي كەلەڭسٸز كٶرٸنٸستەر قازالى اۋدانىندا كٶپ تٸركەلگەن. ودان كەيٸنگٸ ورىندا جالاعاش اۋدانى تۇر. ال ٷشٸنشٸ ورىن قىزىلوردا قالاسىنىڭ ٷلەسٸندە.
«سوڭعى ون كٷندە وبلىس بويىنشا 45 توي انىقتالدى. سونىڭ ٸشٸندە 40 مەرەكەلٸك شارا ٷيدە ۇيىمداستىرىلعان. ال 5-ۋٸ مەيرامحانادا ٶتكٸزٸلگەن. توي-جيىندار قازٸر تەك دەمالىس كٷندەرٸ ەمەس, جۇمىس كٷندەرٸ دە جيٸ ۇيىمداستىرىلا باستاعانى انىقتالدى. سوندىقتان ارنايى قۇرىلعان جۇمىسشى توپ جۇمىس كٷندەرٸ دە جەكە تۇرعىن ٷيلەر مەن مەيرامحانالارعا, جالعا بەرٸلەتٸن كوتتەدجدەرگە جٷرگٸزٸلەتٸن رەيد شارالارى كٷشەيتٸلٸپ وتىر. مونيتورينگ توبى انىقتالعان كارانتين تالاپتارىن بۇزۋ فاكتٸلەرٸ بويىنشا 38 ملن تەڭگەدەن استام ەكٸمشٸلٸك ايىپپۇل سالدى», - دەپ مەلٸم ەتتٸ قىزىلوردا وبلىسى سانيتارلىق-ەپيدەميولوگييالىق باقىلاۋ دەپارتامەنتٸنەن.
قىزىلوردا وبلىسىندا بٷگٸنگە دەيٸن 3269 ادام كوروناۆيرۋس ينفەكتسيياسىنا شالدىعىپ, ونىڭ 3218-ٸ جازىلىپ شىقتى. قاتەرلٸ دەرتتەن 15 ادام كٶز جۇمدى.
ٶتكەن تەۋلٸكتە قىزىلوردا قالاسىندا كوروناۆيرۋس ينفەكتسيياسىمەن 1 ناۋقاس تٸركەلدٸ. ال, وسى ٸندەتتەن 11 ناۋقاس جازىلىپ شىقتى.
