Foto: pixabay.com
Qyzylordada seksýaldy quldyqta bolǵan oqýshy qyzdyń isine bailanysty taǵy 11 kúdikti anyqtaldy. Onyń ishinde beseýi kámeletke tolmaǵan jasóspirimder bolyp shyqty. Bul týraly Stan.kz aqparat agenttigi habarlaidy.
Qyzylorda oblysynyń politsiia departamenti kámeletke tolmaǵandardy jezókshelikpen ainalysýǵa tartý faktisi boiynsha qylmystyq isti tergep jatyr. Sondai-aq quqyq qorǵaý organdary:
- kámeletke tolmaǵandardy jezókshelikpen ainalysýǵa tartý;
- jezókshelikpen ainalysý úshin pritondardy uiymdastyrý nemese ustaý;
- bopsalaý;
- esirtki quraldaryn, psihotroptyq zattardy, olardyń analogtaryn qoldanýǵa kóndirý;
- azaptaý;
- kámeletke tolmaǵan balany tárbieleý jónindegi mindetterdi oryndamaý boiynsha isti qaraýda.
"Qylmystyq isterdiń toǵyz qatysýshysy qamaýda. Ekeýine "úi qamaǵyna alý" bultartpaý sharasy taǵaiyndaldy. Olardyń arasynda bes kámeletke tolmaǵan bala bar. Istiń mán-jaiy boiynsha jábirlenýshiden jaýap alyndy. Sot tyńdaýy men ashyq sot talqylaýy máselesi sottyń quzyretinde", – delingen IIM-niń jaýabynda.
Buǵan deiin ministrlik 13 kúdikti týraly habarlaǵan bolatyn.
Eske salsaq, buǵan deiin Qyzylordada 16 jastaǵy qyzdy synyptastary jezókshelikpen ainalysýǵa májbúrledi degen kúdikke ilingeni týraly jazǵan edik.
