Ótken aptada Qyzylorda oblysy Jańaqorǵan aýdanynda meningokokty infektsiiany juqtyrýdyń alǵashqy jaǵdaiy tirkelgen edi. 1991 jyly týǵan azamat dereý aýrýhanaǵa jatqyzylyp, emdeý sharalary bastalyp ketken bolatyn. Alaida, dárigerlerdiń eńbegi esh ketip, naýqas jansaqtaý bóliminde kóz jumdy, dep habarlaidy QazAqparat.
Qazir dárigerler infektsiianyń turǵyndar arasynda tarap ketpeýi úshin aldyn-alý jumystaryn júrgizip jatyr.
«Marqummen tyǵyz qarym - qatynasta bolǵan 15 adamnyń saraptama nátijeleri teris shyqty. Eshqaisysynan meningit anyqtalǵan joq. Barlyǵy úilerine qaitaryldy. Degenmen, aldaǵy ýaqytta dárigerlerdiń baqylaýynda bolady. Arnaiy qurylǵan shtab jumysyn jalǵastyryp jatyr. Aýdandyq aýrýhana qyzmetkerleri úi-úilerdi aralap, nasihat sharalaryn atqarýda», - dep málimdedi Qyzylorda oblystyq densaýlyq saqtaý basqarmasynyń baspasóz hatshysy Nurjamal Tursynbaeva.
Sanaýly kúnderden keiin qyzylordalyq dárigerler ekpe jumystaryn bastamaq. Respýblikadan arnaiy dári-dármekterdiń jetkiziledi dep kútilýde.
Aita ketý kerek, marqumnyń qandai jaǵdaida infektsiiany juqtyrǵany belgisiz. Ol ózge oblystarǵa barmaǵan.
