ٶتكەن اپتادا قىزىلوردا وبلىسى جاڭاقورعان اۋدانىندا مەنينگوكوكتى ينفەكتسييانى جۇقتىرۋدىڭ العاشقى جاعدايى تٸركەلگەن ەدٸ. 1991 جىلى تۋعان ازامات دەرەۋ اۋرۋحاناعا جاتقىزىلىپ, ەمدەۋ شارالارى باستالىپ كەتكەن بولاتىن. الايدا, دەرٸگەرلەردٸڭ ەڭبەگٸ ەش كەتٸپ, ناۋقاس جانساقتاۋ بٶلٸمٸندە كٶز جۇمدى, دەپ حابارلايدى قازاقپارات.
قازٸر دەرٸگەرلەر ينفەكتسييانىڭ تۇرعىندار اراسىندا تاراپ كەتپەۋٸ ٷشٸن الدىن-الۋ جۇمىستارىن جٷرگٸزٸپ جاتىر.
«مارقۇممەن تىعىز قارىم - قاتىناستا بولعان 15 ادامنىڭ ساراپتاما نەتيجەلەرٸ تەرٸس شىقتى. ەشقايسىسىنان مەنينگيت انىقتالعان جوق. بارلىعى ٷيلەرٸنە قايتارىلدى. دەگەنمەن, الداعى ۋاقىتتا دەرٸگەرلەردٸڭ باقىلاۋىندا بولادى. ارنايى قۇرىلعان شتاب جۇمىسىن جالعاستىرىپ جاتىر. اۋداندىق اۋرۋحانا قىزمەتكەرلەرٸ ٷي-ٷيلەردٸ ارالاپ, ناسيحات شارالارىن اتقارۋدا», - دەپ مەلٸمدەدٸ قىزىلوردا وبلىستىق دەنساۋلىق ساقتاۋ باسقارماسىنىڭ باسپاسٶز حاتشىسى نۇرجامال تۇرسىنباەۆا.
ساناۋلى كٷندەردەن كەيٸن قىزىلوردالىق دەرٸگەرلەر ەكپە جۇمىستارىن باستاماق. رەسپۋبليكادان ارنايى دەرٸ-دەرمەكتەردٸڭ جەتكٸزٸلەدٸ دەپ كٷتٸلۋدە.
ايتا كەتۋ كەرەك, مارقۇمنىڭ قانداي جاعدايدا ينفەكتسييانى جۇقتىرعانى بەلگٸسٸز. ول ٶزگە وبلىستارعا بارماعان.
