Foto: ashyq derekkóz
Qyzylorda oblysy Baiqońyr qalasynyń prokýratýrasy bilim berý uiymdaryndaǵy 2022–2024 jyldar aralyǵyndaǵy biýdjet qarajatynyń jumsalýyna júrgizgen taldaý nátijesinde iri kólemdegi qarjy jymqyrý deregin anyqtady, dep habarlaidy Ult.kz.
Tekserý barysynda orta bilim berý uiymynyń bas esepshisi birneshe muǵalimniń esepshotyna artyq jalaqy aýdaryp otyrǵany belgili boldy. Keiin bul artyq qarajattardy óziniń jeke esepshotyna qaita aýdaryp, memleket qarjysyn júieli túrde iemdenip kelgen.
Prokýratýra málimetinshe, keltirilgen zalal kólemi 52 mln teńgeni quraidy.
Atalǵan derek boiynsha Qylmystyq kodekstiń 189-baby 4-bóligi 2-tarmaǵyna sáikes sotqa deiingi tergep-tekserý júrgizilip, is sotqa joldanǵan.
Sot úkimimen esepshi kináli dep tanylyp, 7 jyl bas bostandyǵynan aiyryldy. Degenmen, kámeletke tolmaǵan balalarynyń bolýyna bailanysty Qylmystyq kodekstiń 74-baby negizinde jaza óteý merzimi 5 jylǵa keiinge qaldyryldy.
