فوتو: اشىق دەرەككٶز
قىزىلوردا وبلىسى بايقوڭىر قالاسىنىڭ پروكۋراتۋراسى بٸلٸم بەرۋ ۇيىمدارىنداعى 2022–2024 جىلدار ارالىعىنداعى بيۋدجەت قاراجاتىنىڭ جۇمسالۋىنا جٷرگٸزگەن تالداۋ نەتيجەسٸندە ٸرٸ كٶلەمدەگٸ قارجى جىمقىرۋ دەرەگٸن انىقتادى, دەپ حابارلايدى Ult.kz.
تەكسەرۋ بارىسىندا ورتا بٸلٸم بەرۋ ۇيىمىنىڭ باس ەسەپشٸسٸ بٸرنەشە مۇعالٸمنٸڭ ەسەپشوتىنا ارتىق جالاقى اۋدارىپ وتىرعانى بەلگٸلٸ بولدى. كەيٸن بۇل ارتىق قاراجاتتاردى ٶزٸنٸڭ جەكە ەسەپشوتىنا قايتا اۋدارىپ, مەملەكەت قارجىسىن جٷيەلٸ تٷردە يەمدەنٸپ كەلگەن.
پروكۋراتۋرا مەلٸمەتٸنشە, كەلتٸرٸلگەن زالال كٶلەمٸ 52 ملن تەڭگەنٸ قۇرايدى.
اتالعان دەرەك بويىنشا قىلمىستىق كودەكستٸڭ 189-بابى 4-بٶلٸگٸ 2-تارماعىنا سەيكەس سوتقا دەيٸنگٸ تەرگەپ-تەكسەرۋ جٷرگٸزٸلٸپ, ٸس سوتقا جولدانعان.
سوت ٷكٸمٸمەن ەسەپشٸ كٸنەلٸ دەپ تانىلىپ, 7 جىل باس بوستاندىعىنان ايىرىلدى. دەگەنمەن, كەمەلەتكە تولماعان بالالارىنىڭ بولۋىنا بايلانىستى قىلمىستىق كودەكستٸڭ 74-بابى نەگٸزٸندە جازا ٶتەۋ مەرزٸمٸ 5 جىلعا كەيٸنگە قالدىرىلدى.
