Qyzylordada koronavirýs juqtyrǵan 8 kisiniń bir úidiń adamdary ekeni anyqtalyp otyr. Bul týraly «Habar 24» arnasynda tikelei efirden sóilegen Qyzylorda oblysynyń densaýlyq saqtaý basqarmasynyń basshysy Jaqsylyq Ábdýsámetov málim etti, dep habarlaidy "Ult aqparat".
«Qazirgi tańda Qyzylorda oblysynda koronavirýs infektsiiasynyń 18 jaǵdaiy tirkeldi. Búgingi kúni qosymsha tirkelgen faktiler Jańaqorǵan aýdanynan bolyp otyr. Barlyǵy da - aldynda tirkelgen naýqaspen qarym-qatynasta bolyp, oqshaýlanyp, karantinde bolǵan azamattar. Osy azamattardan synama alynǵan edi», - dedi ol.
Basqarma basshysynyń aitýynsha, koronavirýs juqtyrǵan 8 azamat – bir otbasynyń músheleri.
«Olar - 6-45 jas aralyǵyndaǵy adamdar. Sonyń ishinde úsheýi - 14 jasqa deiingi balalar», - dedi ol.
