8–10 qazanda Qazaqstannyń basym bóliginde aýa raiy turaqsyz bolady. Atmosferalyq frontaldy bólikterdiń ótýine bailanysty jańbyr jaýyp, soltústik-batys, soltústik jáne shyǵys óńirlerde jańbyr men sýly qar kútiledi, dep habarlaidy ult.kz.
Qazgidromettiń málimetinshe, shyǵys óńirlerde kóktaiǵaq qubylystary boljanady. Respýblika boiynsha jel kúsheiip, túngi jáne tańerteńgi ýaqytta tuman túsýi múmkin.
Tek Qazaqstannyń batysy men ońtústiginde antitsiklonnyń áserinen jaýyn-shashynsyz aýa raiy qalyptasady.
Óńirlerdegi temperatýra
Qazaqstannyń batysynda túngi aýa temperatýrasy +5+16°S aralyǵynda bolady. Kúndiz aýa temperatýrasy +17+22°S-tan +22+27°S-qa deiin joǵarylaidy.
Soltústik-batys, soltústik jáne ortalyq óńirlerde túngi temperatýra +3+13°S-tan -1-6°S-qa deiin tómendeidi. Kúndizgi aýa temperatýrasy +10+27°S aralyǵynda bolady.
Shyǵysta túnde aýa temperatýrasy 0,+8°S shamasynda saqtalady. Kúndiz temperatýra +10+15°S-tan +2+7°S-qa deiin tómendeidi.
Ońtústik jáne ońtústik-shyǵys óńirlerde túnde aýa temperatýrasy +3+10°S bolady. Taýly aýdandarda 2°S-qa deiin úsik kútiledi. Kúndiz aýa temperatýrasy +17+25°S, taýly aýdandarda +12+17°S shamasynda bolady.
