Jyl sońyna deiin Almatyda úsh jańa emhananyń qurylysyn aiaqtaý josparlanyp otyr. Olar Shuǵyla jáne Altai-1 shaǵynaýdandarynda, sondai-aq Áiteke bi kóshesinde ornalasady. Ár emhana bir aýysymda 500 adamǵa deiin qabyldai alady, dep habarlaidy ult.kz.
Shuǵyla shaǵynaýdanyndaǵy aýmaǵy 12 myń sharshy metrden asatyn emhanada eresekter jáne balalar bólimsheleri, áielder konsýltatsiiasy, zerthana, meditsinalyq ońaltý bólimi, kúndizgi statsionar jáne ambýlatoriialyq hirýrgiia ortalyǵy bolady.
Áiteke bi kóshesindegi aýmaǵy 8 myń sharshy metrden asatyn emhana shamamen 30 myń tirkelgen turǵynǵa qyzmet kórsetedi. Munda terapiia jáne pediatriia bólimsheleri, áielder konsýltatsiiasy, kúndizgi statsionar jáne beiindi mamandardyń kabinetteri jumys isteidi.
Altai-1 shaǵynaýdanynda aýmaǵy shamamen 10 myń sharshy metr bolatyn emhana salynyp jatyr. Munda Otbasylyq densaýlyq ortalyǵy, Jastar densaýlyq ortalyǵy, profilaktika bólimi jáne kúndizgi statsionar ornalasady.
Úsh emhanada da kelýshilerge yńǵaily bolý úshin jeke kireberister men qozǵalys baǵyttary qarastyrylǵan. Erekshe qajettiligi bar adamdar úshin de qajetti jaǵdai jasalady
