Qyzylorda oblystyq memlekettik aýditorlar Qarmaqshy agrarlyq-tehnikalyq kolledjinde qarjylai zańbuzýshylyqtardy áshkerelegen. Bul týraly QR Qarjy ministrliginiń ókilderi málimdedi, - dep habarlaidy Tengrinews.kz tilshisi.
"Aýdit nátijesi boiynsha, kolledjdiń bas esepshisi men ekonomisi negizsiz ózderiniń jeke esep kartalaryna 10 million 331 teńgeni jalaqy retinde aýdarǵan. Osylaisha olar QR Úkimetiniń qaýlysyn ("Azamattyq qyzmetshilerge, memlekettik biýdjet qarajaty esebinen ustalatyn uiymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júiesi týraly") buzdy", - dedi vedomstvodaǵylar.
2017 jyly qarastyrylǵan 1,636 million teńgeniń ornyna býhgalter óz esepshotyna 8,052 million teńge jibergen, al ekonomiste qarastyrylǵan 1,168 millionnyń ornyna 3,915 million teńgeni eńbekaqy, eńbek demalysynyń aqysy jáne syiaqy retinde jibergen.
Qazirgi ýaqytta aýdit jalǵasyp jatyr, olar kolledj qyzmetkerleriniń eńbek demalysy, jalaqysy men ótemaqy tólemderi qalai júrgizilgenin tekserip jatyr.
