Qyzylorda oblysynda qoqys konteineri janynan shala týǵan balanyń denesi tabyldy, dep habarlaidy QazAqparat.
Oqiǵa búgin, 18 qazan kúni Qarmaqshy aýdanyna qarasty Tóretam kenti Janqoja batyr kóshesindegi № 27 kópqabatty úidiń aýlasynda ornalasqan kúl-qoqys jinaityn konteiner mańynda tirkeldi.
«Sol aýmaqtan dala sypyratyn jumysshy qoqys jinaý barysynda shala týylǵan bala túsik denesin kórgen. Atalmysh derek boiynsha QR Qylmystyq kodeksiniń 100-baby (jańa týǵan balany anasynyń óltirýi) boiynsha qylmystyq is qozǵaldy. Bul is QR Ishki ister ministrliginiń Baiqońyr qalasyndaǵy ókildiginiń sotqa deiingi tergep-tekserý birinǵai tizilimine tirkeldi. Ol boiynsha sotqa deiingi tergep-tekserý áreketteri júrgizilýde», - dep málim etti QR Ishki ister ministrliginiń Baiqońyr qalasyndaǵy ókildiginen.
