Qyzylorda qalasynda gaz ballony jarylýy saldarynan oryn alǵan órtke bailanysty oqiǵanyń sebepteri anyqtaldy, dep habarlaidy "Ult aqparat".
«Oqiǵa ornyna jedel jetken №4 órt sóndirý bóliminiń jaýyngerlik esebi jalpy aýdany 72 sharshy metr bolatyn turǵyn úide gaz ballonyn durys paidalanbaýynan gazdyń jylystaýy paida bolǵany anyqtaldy. Jarylys saldarynan úi qulaǵan. Órtti sóndirý barysynda 27 jáne 50 litrlik gaz ballondary syrtqa shyǵaryldy. Sondai-aq, úi ishinde bolǵan 2 adamdy qatty kúiik shalǵan. Olardy kórshileri jeńil kólikpen der kezinde aýrýhanaǵa jetkizgen.
Órt sóndirý qyzmetiniń jyldam is-qimylynyń nátijesinde kórshiles ornalasqan úige órttiń taralý qaýpi ýaqtyly toqtatyldy. Órt 19 saǵat 34 minýtta oqshaýlanyp, 19 saǵat 43 minýtta tolyǵymen sóndirildi», - dedi Qyzylorda oblysy tótenshe jaǵdailar departamentiniń órt sóndirý jáne avariialyq qutqarý qyzmetiniń baspasóz mamany Áliia Erejepova.
Esterińizge sala ketelik, bul keleńsiz jaǵdai 20 qarasha kúni 18.00 shamasynda bolǵan edi. Jergilikti «112» nómirine Qyzylordadaǵy «Báiterek» shaǵynaýdanynda órt shyqqandyǵy jóninde habarlama kelip túsken.
