قىزىلوردا قالاسىندا گاز باللونى جارىلۋى سالدارىنان ورىن العان ٶرتكە بايلانىستى وقيعانىڭ سەبەپتەرٸ انىقتالدى, دەپ حابارلايدى "ۇلت اقپارات".
«وقيعا ورنىنا جەدەل جەتكەن №4 ٶرت سٶندٸرۋ بٶلٸمٸنٸڭ جاۋىنگەرلٸك ەسەبٸ جالپى اۋدانى 72 شارشى مەتر بولاتىن تۇرعىن ٷيدە گاز باللونىن دۇرىس پايدالانباۋىنان گازدىڭ جىلىستاۋى پايدا بولعانى انىقتالدى. جارىلىس سالدارىنان ٷي قۇلاعان. ٶرتتٸ سٶندٸرۋ بارىسىندا 27 جەنە 50 ليترلٸك گاز باللوندارى سىرتقا شىعارىلدى. سونداي-اق, ٷي ٸشٸندە بولعان 2 ادامدى قاتتى كٷيٸك شالعان. ولاردى كٶرشٸلەرٸ جەڭٸل كٶلٸكپەن دەر كەزٸندە اۋرۋحاناعا جەتكٸزگەن.
ٶرت سٶندٸرۋ قىزمەتٸنٸڭ جىلدام ٸس-قيمىلىنىڭ نەتيجەسٸندە كٶرشٸلەس ورنالاسقان ٷيگە ٶرتتٸڭ تارالۋ قاۋپٸ ۋاقتىلى توقتاتىلدى. ٶرت 19 ساعات 34 مينۋتتا وقشاۋلانىپ, 19 ساعات 43 مينۋتتا تولىعىمەن سٶندٸرٸلدٸ», - دەدٸ قىزىلوردا وبلىسى تٶتەنشە جاعدايلار دەپارتامەنتٸنٸڭ ٶرت سٶندٸرۋ جەنە اۆارييالىق قۇتقارۋ قىزمەتٸنٸڭ باسپاسٶز مامانى ەلييا ەرەجەپوۆا.
ەستەرٸڭٸزگە سالا كەتەلٸك, بۇل كەلەڭسٸز جاعداي 20 قاراشا كٷنٸ 18.00 شاماسىندا بولعان ەدٸ. جەرگٸلٸكتٸ «112» نٶمٸرٸنە قىزىلورداداعى «بەيتەرەك» شاعىناۋدانىندا ٶرت شىققاندىعى جٶنٸندە حابارلاما كەلٸپ تٷسكەن.
