Qyzylorda oblysynda meditsina salasynyń birqatar basshylary koronavirýske qarsy Reseide óndirilgen «Spýtnik V» ekpesin saldyrdy, dep habarlaidy "Ult aqparat".
Oblystyń densaýlyq saqtaý basqarmasynyń basshysy Sábit Pazilov óńirde qaterli indetke qarsy ekpe saldyrǵan alǵashqylardyń biri boldy. Ol ekpeni oblys ortalyǵyndaǵy №3 qalalyq emhanada saldyrdy.
Aldymen emhana dárigeri ol kisiniń densaýlyq jaǵdaiyn tekserdi. Epidemiologiialyq anamnezi jinaqtalyp, vaktsina qabyldaýǵa eshqandai qarsy kórsetilim joq ekeni anyqtaldy. Budan keiin basqarma basshysyna koronavirýske qarsy vaktsina egildi. Sodan soń ol 30 minýt dáriger qadaǵalaýynda boldy.
«Oblys halqyna jalpy 80 myń doza vaktsina salynady dep kútilýde. Búginde aimaqqa 1000 danasy jetkizildi. Ekpe salý oblys ortalyǵyndaǵy №1, 3 jáne 6 qalalyq emhanalarda júrgizilýde. Bul jumysqa oblys boiynsha barlyǵy 133 meiirbike tartylǵan», - dedi basqarma basshysy.
Sondai-aq, búgin qaterli indetke qarsy ekpe saldyrǵan turǵyndar arasynda oblystyq sanitariialyq-epidemiologiialyq baqylaý departamentiniń basshysy Dinara Janabergenova da boldy. Ol qaladaǵy №1 emhanada koronavirýs infektsiiasyna qarsy Reseide óndirilgen «Gam Kovid Vak» ekpesin saldyrdy.
Aita keterligi, oblysqa kelgen 1000 doza vaktsina «Salqyn tizbek» erejeleri saqtala otyryp jetkizildi. Ol immýnobiologiialyq preparattardy saqtaý qoimasynda saqtalýda. Biylǵy jyldyń ekinshi toqsanynan bastap oblysta koronavirýs infektsiiasyna qarsy otandyq vaktsina salynady dep josparlanýda.
Esterińizge sala ketelik, budan buryn Qyzylorda oblysy ákiminiń orynbasary koronavirýsqa qarsy vaktsina alǵanyn habarlanǵan edik.
