Qyzylordada avtokólikti keri baǵytta jolmen júrgizip, jol qozǵalysy erejesin óreskel buzǵan 18 jastaǵy azamat tiisti jazaǵa tartyldy, dep habarlaidy "Ult aqparat".
Áleýmettik jelide Qyzylorda qalasynyń kóshelerinde shekten shyqqan tártipsiz áreketi beinelengen belgisiz bireýdiń beinetúsirilimi keńinen taraǵan edi. Bul jaǵdai jergilikti tártip saqshylarynyń nazarynan tys qalǵan joq.
Qyzylorda oblystyq politsiia departamentiniń habarlaýynsha, beinejazba boiynsha jedel-izdestirý jumystary júrgizilgen. Sol arqyly Qyzylorda qalasynyń politsiia basqarmasy jol-patrýldik politsiia batalonynyń qyzmetkerleri «VAZ-21099» markaly avtokóliginiń 18 jastaǵy júrgizýshisiniń jeke basyn anyqtap, ony jaýapkershilikke tartty.
Zańsyz is-áreketi úshin oǵan qatysty QR Ákimshilik quqyq buzý kodeksiniń 596-baby 5-bóligimen, 602-babynyń 1-bóligimen, 612-baby 2-bóligimen ákimshilik hattama toltyrylǵan. Avtokólik aiyp alańyna qoiyldy.
«Qyzylorda oblysy politsiia departamenti tarapynan áleýmettik jelilerge turaqty túrde monitoring júrgiziledi. Anyqtalǵan zańbuzýshylyq boiynsha birden shara qabyldanýda. Sondyqtan júrgizýshilerden jol qozǵalysy erejesin, jol belgileriniń nusqamasyn qatań saqtaýdy suraimyz. Sondai-aq, kólik quraldarynyń turaqqa qoiylýy men toqtaýy, paidalaný erejesin jaýapkershilikpen múltiksiz oryndaýy qajettigin eskertemiz», - deidi departament bastyǵy, politsiia polkovnigi Sultan Bektóre.
