قىزىلوردادا اۆتوكٶلٸكتٸ كەرٸ باعىتتا جولمەن جٷرگٸزٸپ, جول قوزعالىسى ەرەجەسٸن ٶرەسكەل بۇزعان 18 جاستاعى ازامات تيٸستٸ جازاعا تارتىلدى, دەپ حابارلايدى "ۇلت اقپارات".
ەلەۋمەتتٸك جەلٸدە قىزىلوردا قالاسىنىڭ كٶشەلەرٸندە شەكتەن شىققان تەرتٸپسٸز ەرەكەتٸ بەينەلەنگەن بەلگٸسٸز بٸرەۋدٸڭ بەينەتٷسٸرٸلٸمٸ كەڭٸنەن تاراعان ەدٸ. بۇل جاعداي جەرگٸلٸكتٸ تەرتٸپ ساقشىلارىنىڭ نازارىنان تىس قالعان جوق.
قىزىلوردا وبلىستىق پوليتسييا دەپارتامەنتٸنٸڭ حابارلاۋىنشا, بەينەجازبا بويىنشا جەدەل-ٸزدەستٸرۋ جۇمىستارى جٷرگٸزٸلگەن. سول ارقىلى قىزىلوردا قالاسىنىڭ پوليتسييا باسقارماسى جول-پاترۋلدٸك پوليتسييا باتالونىنىڭ قىزمەتكەرلەرٸ «ۆاز-21099» ماركالى اۆتوكٶلٸگٸنٸڭ 18 جاستاعى جٷرگٸزۋشٸسٸنٸڭ جەكە باسىن انىقتاپ, ونى جاۋاپكەرشٸلٸككە تارتتى.
زاڭسىز ٸس-ەرەكەتٸ ٷشٸن وعان قاتىستى قر ەكٸمشٸلٸك قۇقىق بۇزۋ كودەكسٸنٸڭ 596-بابى 5-بٶلٸگٸمەن, 602-بابىنىڭ 1-بٶلٸگٸمەن, 612-بابى 2-بٶلٸگٸمەن ەكٸمشٸلٸك حاتتاما تولتىرىلعان. اۆتوكٶلٸك ايىپ الاڭىنا قويىلدى.
«قىزىلوردا وبلىسى پوليتسييا دەپارتامەنتٸ تاراپىنان ەلەۋمەتتٸك جەلٸلەرگە تۇراقتى تٷردە مونيتورينگ جٷرگٸزٸلەدٸ. انىقتالعان زاڭبۇزۋشىلىق بويىنشا بٸردەن شارا قابىلدانۋدا. سوندىقتان جٷرگٸزۋشٸلەردەن جول قوزعالىسى ەرەجەسٸن, جول بەلگٸلەرٸنٸڭ نۇسقاماسىن قاتاڭ ساقتاۋدى سۇرايمىز. سونداي-اق, كٶلٸك قۇرالدارىنىڭ تۇراققا قويىلۋى مەن توقتاۋى, پايدالانۋ ەرەجەسٸن جاۋاپكەرشٸلٸكپەن مٷلتٸكسٸز ورىنداۋى قاجەتتٸگٸن ەسكەرتەمٸز», - دەيدٸ دەپارتامەنت باستىعى, پوليتسييا پولكوۆنيگٸ سۇلتان بەكتٶرە.
