Qyzylorda oblysynda aýyl turǵyny karantin talaptaryn saqtamai, 100-ge tarta adam jinalǵan kókpar uiymdastyrǵan, dep habarlaidy "Ult aqparat".
Oqiǵa Jańaqorǵan aýdanyna qarasty Ekpindi aýylynda boldy. Jergilikti turǵyn 100-ge tarta adam jinap, kókpar uiymdastyrǵan.
Óńirde karantin shekteýleriniń oryndalýyn qamtamasyz etý maqsatynda arnaiy monitoringilik mobildi top qurylǵan. Top quramynda jergilikti atqarýshy organdar, Taýarlar men kórsetiletin qyzmetterdiń sapasy men qaýipsizdigin baqylaý departamenti, eriktiler jáne qoǵamdyq kómekshiler bar. Olar búgingi kúnge deiin 758 quqyq buzýshylyqty anyqtady.
«Tiisti talaptardy saqtamaityn turǵyndar az emes. Máselen, Qyzylorda qalasynyń 35 jastaǵy turǵyny 60 adamdy jinap, úilený toiyn ótkizgen. Osyndai jaǵdai Aral aýdanynda da tirkeldi. Oblys ortalyǵyndaǵy oiyn-saýyq kesheniniń birinde 150 adamǵa jinalǵan toi ótip jatqany belgili boldy. Bul derekter boiynsha ákimshilik hattama rásimdeldi. Tiisti shara kórý úshin Taýarlar men qyzmetterdiń sapasy men qaýipsizdigin baqylaý basqarmasyna joldandy», - dep málim etti Qyzylorda oblystyq politsiia departamentiniń baspasóz qyzmeti.
