Qyzylordada atystan zardap shekken jigit kóz jumdy, - dep habarlaidy Tengrinews.kz tilshisi oblystyq densaýlyq saqtaý basqarmasy baspasóz qyzmetine silteme jasap.
"Naýqas oblystyq meditsina ortalyǵyna aýyr jaǵdaida jetkizildi. Dereý qabyldaý bóliminen jan saqtaý bólimine jatqyzyldy. Sol mezette "ish qýysyna tereń oq tigen, ishki aǵzalary zaqymdaýly. 4 dərejeli gemorragiialyq shok" degen diagnoz qoiyldy. Naýqasqa shuǵyl ota jasaldy. Alaida, kórsetilgen reanimatsiialyq sharalarǵa qaramastan jaraqattanǵan azamat 27 naýryzdyń keshinde kóz jumdy", - dep habarlady oblystyq densaýlyq saqtaý basqarmasynyń baspasóz qyzmeti.
Eske salaiyq, búgin. 27 naýryzda Qyzylordada jergilikti ýaqytpen saǵat 14.50 shamasynda Áiteke bi kóshesinde jastar arasynda qaqtyǵys bolǵan. Nátijesinde 1 adam dene jaraqatymen oblystyq meditsinalyq ortalyqqa jetkizildi. Bul týraly búgin Óńirlik kommýnikatsiialar qyzmetinde ótken brifingte OIID bastyǵynyń orynbasary Nurlan Anarbaev málimdedi.
"QIIB kezekshi bólimine Áiteke bi jáne Jeltoqsan kósheleriniń qiylysynda buzaqylyq bolǵany týraly habarlama túsken. Oqiǵa ornyna jedel-tergeý toby jetip, 7-8 adamnan quralǵan toptyń buzaqy áreketi anyqtaldy. Nátijesinde qalanyń 1 turǵyny dene jaraqatymen oblystyq meditsinalyq ortalyqqa (OMO) jetkizildi. Atalmysh derek boiynsha QR QK-niń 259-baby, 3-bóligi, "buzaqylyq" faktisi boiynsha qylmystyq is qozǵaldy. Qazirgi tańda, kúdiktiler, buzaqylyq árekettiń músheleri QIIB jetkizildi, tergeý amaldary júrgizilýde. Tergeý múddesine bailanystyolar týraly málimetter jariia etilmeidi", - dedi brifing barysynda OIID bastyǵynyń orynbasary Anarbaev.
