Qyzylorda oblysynda «Abai» operasy tuńǵysh ret sahnalandy, dep habarlaidy "Ult aqparat".
Atalǵan shara qazaqtyń bas aqyny Abaidyń 175 jyldyǵyna arnaldy. Qazaq óneriniń belgili tulǵalary Ahmet Jubanov pen Latif Hamididiń «Abai» operasynyń tusaýkeseri onlain túrde ótkizildi.
Operanyń qoiýshy rejisseri - Shymkent qalalyq opera jáne balet teatrynyń rejisseri ári solisi Qairat Qulynshaqov. Basty roldi oblystyq filarmoniia ánshisi Aidos Imanjapparov somdady.
«Qoiylymda oblystyq filarmoniianyń, N.Bekejanov atyndaǵy qazaq akademiialyq mýzykalyq drama teatrynyń ártisteri, kameralyq orkestr ónerpazdary qatysty. Sondai-aq, onda «Tomiris» bi ansambli, Qazanǵap atyndaǵy Qyzylorda mýzykalyq joǵary kolledjiniń «Án salý» bóliminiń stýdentteri men aralas hor ujymynan quralǵan 100-den asa ónerpaz óner kórsetti», - dedi Qyzylorda oblystyq mádeniet basqarmasynyń mamandary.
Qoiylym oblystyq filarmoniiasynyń kameralyq orkestriniń súiemeldeýimen ótti. Dirijeri «Mádeniet qairatkeri» tósbelgisiniń, «Qurmet» ordeniniń iegeri Keýlimjai Botabaev.
