قىزىلوردا وبلىسىندا «اباي» وپەراسى تۇڭعىش رەت ساحنالاندى, دەپ حابارلايدى "ۇلت اقپارات".
اتالعان شارا قازاقتىڭ باس اقىنى ابايدىڭ 175 جىلدىعىنا ارنالدى. قازاق ٶنەرٸنٸڭ بەلگٸلٸ تۇلعالارى احمەت جۇبانوۆ پەن لاتيف حاميديدٸڭ «اباي» وپەراسىنىڭ تۇساۋكەسەرٸ ونلاين تٷردە ٶتكٸزٸلدٸ.
وپەرانىڭ قويۋشى رەجيسسەرٸ - شىمكەنت قالالىق وپەرا جەنە بالەت تەاترىنىڭ رەجيسسەرٸ ەرٸ سوليسٸ قايرات قۇلىنشاقوۆ. باستى رولدٸ وبلىستىق فيلارمونييا ەنشٸسٸ ايدوس يمانجاپپاروۆ سومدادى.
«قويىلىمدا وبلىستىق فيلارمونييانىڭ, ن.بەكەجانوۆ اتىنداعى قازاق اكادەمييالىق مۋزىكالىق دراما تەاترىنىڭ ەرتٸستەرٸ, كامەرالىق وركەستر ٶنەرپازدارى قاتىستى. سونداي-اق, وندا «توميريس» بي انسامبلٸ, قازانعاپ اتىنداعى قىزىلوردا مۋزىكالىق جوعارى كوللەدجٸنٸڭ «ەن سالۋ» بٶلٸمٸنٸڭ ستۋدەنتتەرٸ مەن ارالاس حور ۇجىمىنان قۇرالعان 100-دەن اسا ٶنەرپاز ٶنەر كٶرسەتتٸ», - دەدٸ قىزىلوردا وبلىستىق مەدەنيەت باسقارماسىنىڭ ماماندارى.
قويىلىم وبلىستىق فيلارمونيياسىنىڭ كامەرالىق وركەسترٸنٸڭ سٷيەمەلدەۋٸمەن ٶتتٸ. ديريجەرٸ «مەدەنيەت قايراتكەرٸ» تٶسبەلگٸسٸنٸڭ, «قۇرمەت» وردەنٸنٸڭ يەگەرٸ كەۋلٸمجاي بوتاباەۆ.
