Qyzylorda oblysynda jergilikti turǵyn aýyldasynyń 2 myń press jońyshqa men 12 tonna jemin órtep jiberdi, dep habarlaidy "Ult aqparat".
Jańaqorǵan aýdandyq politsiia bólimine Túgisken aýylynyń turǵynynan aryz tústi. Onda mal qorada turǵan 2 myń press jońyshqa shóbi men 12 tonna jemin belgisiz bireýdiń órtep jibergeni týraly aitylǵan. Osylaisha jábirlenýshige 2, 5 mln zalal kelgen.
«Aýdandyq tártip saqshylarymen jedel izdestirý sharalaryn júrgizdi. Atalǵan oqiǵaǵa kúdikti retinde sol aýyldyń 24 jastaǵy turǵyny ustaldy. Tiisti saraptamalar taǵaiyndaldy. Atalǵan derek boiynsha QR Qylmystyq kodeksiniń 202 babynyń 2 bóligimen tergep-tekserý amaldary júrgizilýde. Onda bótenniń múlkin qasaqana joiý nemese búldirý jaǵdaiy kórsetilgen. Oqiǵanyń oryn alý sebebi jáne mán-jaiy anyqtalýda», - dep málim etti Qyzylorda oblystyq politsiia departamentiniń baspasóz qyzmeti.
