Foto: stan.kz
Qyzylordada alaiaqtar adamdardyń kóligin satyp beremiz dep, josyqsyz kelisimshart jasasyp, artynsha san soqtyryp ketken, dep habarlaidy Ult.kz inbusiness.kz-ke silteme jasap.
Qylmystyq kodekstiń 190-baby 3-bóliginiń 1, 4-tarmaqtary, iaǵni aldaý jolymen bótenniń múlkin iri mólsherde birneshe ret jymqyrý boiynsha qylmystyq is Qyzylorda qalasynyń № 2 sotynda qaraldy.
– Sottalýshylardyń biri 2024 jyly avtomobilder men jeńil avtokólik quraldaryn bólshek saýdada satý maqsatynda "Suncar auto" jaýapkershiligi shekteýli seriktestigin shaǵyn kásipkerlik sýbektisi retinde tirkegen. Sybailasy ekeýi sol seriktestiktiń avtosalony arqyly satyp beretinin, satylmaǵan jaǵdaida 14 jumys kúni ishinde aqshasyn qaitaratynyna sendirip, birneshe jábirlenýshini aldap, josyqsyz kelisimshart jasaǵan. Kólikti ózderiniń atyna aýdartyp ári satyp, satqannan túsken qarjyny óz maqsattaryna jaratyp otyrǵan, – delingen habarlamada.
Sottalýshylardyń kinási ózderiniń sotta bergen jaýabymen, jábirlenýshiler men kýágerlerdiń jaýaptarymen, oqiǵa ornyn qarap-tekserý, bettestirý hattamalarymen dáleldendi.
Sottalýshylardyń biri Qylmystyq kodekstiń 190-babynyń 3-bóliginiń 1, 4-tarmaqtarymen kináli dep tanylyp, oǵan 4 jyl 6 ai merzimge bas bostandyǵynan aiyrý jazasy taǵaiyndaldy.
Al sybailasy Qylmystyq kodekstiń 190-babynyń 3-bóliginiń 1, 4-tarmaqtarymen 4 jyl merzimge bas bostandyǵynan aiyryldy. Sot sheshimimen 18 jábirlenýshige kólikteri, al 1 jábirlenýshige qarjylai qaitaryldy.
