فوتو: stan.kz
قىزىلوردادا الاياقتار ادامداردىڭ كٶلٸگٸن ساتىپ بەرەمٸز دەپ, جوسىقسىز كەلٸسٸمشارت جاساسىپ, ارتىنشا سان سوقتىرىپ كەتكەن, دەپ حابارلايدى Ult.kz inbusiness.kz-كە سٸلتەمە جاساپ.
قىلمىستىق كودەكستٸڭ 190-بابى 3-بٶلٸگٸنٸڭ 1, 4-تارماقتارى, ياعني الداۋ جولىمەن بٶتەننٸڭ مٷلكٸن ٸرٸ مٶلشەردە بٸرنەشە رەت جىمقىرۋ بويىنشا قىلمىستىق ٸس قىزىلوردا قالاسىنىڭ № 2 سوتىندا قارالدى.
– سوتتالۋشىلاردىڭ بٸرٸ 2024 جىلى اۆتوموبيلدەر مەن جەڭٸل اۆتوكٶلٸك قۇرالدارىن بٶلشەك ساۋدادا ساتۋ ماقساتىندا "Suncar auto" جاۋاپكەرشٸلٸگٸ شەكتەۋلٸ سەرٸكتەستٸگٸن شاعىن كەسٸپكەرلٸك سۋبەكتٸسٸ رەتٸندە تٸركەگەن. سىبايلاسى ەكەۋٸ سول سەرٸكتەستٸكتٸڭ اۆتوسالونى ارقىلى ساتىپ بەرەتٸنٸن, ساتىلماعان جاعدايدا 14 جۇمىس كٷنٸ ٸشٸندە اقشاسىن قايتاراتىنىنا سەندٸرٸپ, بٸرنەشە جەبٸرلەنۋشٸنٸ الداپ, جوسىقسىز كەلٸسٸمشارت جاساعان. كٶلٸكتٸ ٶزدەرٸنٸڭ اتىنا اۋدارتىپ ەرٸ ساتىپ, ساتقاننان تٷسكەن قارجىنى ٶز ماقساتتارىنا جاراتىپ وتىرعان, – دەلٸنگەن حابارلامادا.
سوتتالۋشىلاردىڭ كٸنەسٸ ٶزدەرٸنٸڭ سوتتا بەرگەن جاۋابىمەن, جەبٸرلەنۋشٸلەر مەن كۋەگەرلەردٸڭ جاۋاپتارىمەن, وقيعا ورنىن قاراپ-تەكسەرۋ, بەتتەستٸرۋ حاتتامالارىمەن دەلەلدەندٸ.
سوتتالۋشىلاردىڭ بٸرٸ قىلمىستىق كودەكستٸڭ 190-بابىنىڭ 3-بٶلٸگٸنٸڭ 1, 4-تارماقتارىمەن كٸنەلٸ دەپ تانىلىپ, وعان 4 جىل 6 اي مەرزٸمگە باس بوستاندىعىنان ايىرۋ جازاسى تاعايىندالدى.
ال سىبايلاسى قىلمىستىق كودەكستٸڭ 190-بابىنىڭ 3-بٶلٸگٸنٸڭ 1, 4-تارماقتارىمەن 4 جىل مەرزٸمگە باس بوستاندىعىنان ايىرىلدى. سوت شەشٸمٸمەن 18 جەبٸرلەنۋشٸگە كٶلٸكتەرٸ, ال 1 جەبٸرلەنۋشٸگە قارجىلاي قايتارىلدى.
