Qyzylorda qalasynyń 28 jastaǵy turǵyny nominaly 20 000 teńgelik birneshe banknotty saqtaǵany jáne olardy janar-jaǵarmai quiý beketi men avtobólshekter satatyn dúkenge ótkizgeni úshin aiyptaldy, - dep habarlaidy "Ult aqparat" Qarjylyq monitoring agenttigine silteme jasap.
Jalǵan banknottardy saqtaý jáne birneshe ret ótkizý faktisimen anyqtalǵan qylmystyq istiń tergeýin QMA Qyzylorda oblysy boiynsha departamenti aiaqtap, is materialyn sotqa joldaǵan.
"Ol zattar satyp alyp, quny 20 000 teńgelik banknotty ótkize otyryp, qaitarymyna QR Ulttyq bankiniń túpnusqa banknottaryn alyp otyrǵan. Turǵyn óz kinásin tolyq moiyndady.
Kriminalist mamandardyń zertteýi barysynda ótkizilgen banknottardyń Ulttyq banktiń aqsha belgisine sáikes kelmeitini jáne aqshalardyń printerde basyp shyǵarylǵandyǵy anyqtaldy", - delingen habarlmada.
Aita keteiik, QR QK-da bul qylmys úshin bes jyldan 10 jylǵa deiingi merzimge bas bostandyǵynan aiyrý jazasy túrinde jaýaptylyq kózdelgen.
