Qyzylorda qalasynda jergilikti turǵyn aýlada 100-ge tarta adam jinalǵan úilený toiyn ótkizbek bolǵan, dep habarlaidy "Ult aqparat".
Oqiǵa Qyzylorda qalasyna qarasty Qyzyljarma aýylynda tirkeldi. Aýyl turǵyny aýlada úilený toiyn ótkizbek bolǵan. Oǵan 100-den astam adam jinalǵan. Toi qalalyq mobildi toptyń aralasýymen toqtatyldy.
«Mobildi top quramynda qalalyq prokýratýra, qalalyq taýarlarmen kórsetiletin qyzmetterdiń sapasy men qaýipsizdigin baqylaý basqarmasy, qala ákimdigi, qalalyq politsiia basqarmasy jergilikti politsiia qyzmetiniń qyzmetkerleri bar», - dep málim etti Qyzylorda qalasy ákimdiginen.
Mamandar búginge deiin qala aýmaǵynda ornalasqan 9 myńǵa jýyq nysandy aralady. Karantin talaptaryn saqtamaǵan 160 nysanǵa qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna tiisti anyqtama joldandy. Olarǵa tiisti shara qabyldandy.
