Qazaqstan Respýblikasy Sybailas jemqorlyqqa qarsy is-qimyl agenttigimen 28.03.2020 jyly Qyzylorda qalasynyń mamandandyrylǵan tergeý sotyna Qyzylorda oblysynyń ákimi Q.Iskakovqa qatysty úiqamaq túrindegi bultartpaý sharasyn qoldaný týraly ótinishhat tústi.
Bul týraly QazAqparat Qyzylorda oblystyq sotynyń baspasóz qyzmetine silteme jasap habarlaidy.
Atalǵan tulǵaǵa QK-niń 190-babynyń 4-bóliginiń 2) tarmaǵymen kúdik keltirilgen.
Kúdikti Qýanyshbek Dosmailovich Iskakovqa qatysty «úiqamaq» túrindegi bultartpaý sharasyn qoldaný týraly ótinishhat qanaǵattandyryldy.
«Úiqamaq» bultartpaý sharasynyń 2 (eki) ai merzimi 26.03.2020 jyly saǵat 22:28-den bastap 26.05.2020 jyly saǵat 22:28-ge deiin belgilengen.
Qaýly zańdy kúshine enbegen.
