Qyzylorda oblysynyń ákimi Gúlshara Ábdiqalyqova qalalyq №3 emhanada koronavirýs infektsiiasyna qarsy reseilik «Spýtnik V» vaktsinasyn saldyrdy, dep habarlaidy "Ult aqparat".
Aita keteiik, óńirde alǵashqy kezeńde 80 myń doza vaktsina salynady dep kútilýde. Búginde aimaqqa atalǵan vaktsinanyń 1000 dozasy jetkizilgen. Qalǵany kezeń-kezeńimen tolyqtyrylady. Oǵan oblys ortalyǵyndaǵy №1, №3 jáne №6 emhanalardan 3 egý kabineti daiyndalǵan. Ekpe salýǵa oblys boiynsha barlyǵy 133 meiirbike tartylǵan.
«Dárigerler ekpeden keiin ine salynǵan orynǵa sý tigizbeýge jáne egý ornyn jyly ustaýǵa keńes berdi. Endi soǵan sáikes áreket etetin bolamyn. Dúniejúzin dúrbeleńge salǵan indettiń betin tek ekpe saldyrý arqyly ǵana tómendete alamyz. Sol sebepti barsha halyqty ekpe saldyrýǵa shaqyramyn», - dedi oblys ákimi Gúlshara Ábdiqalyqova.
Oblysta ekpe egý sharasynyń birinshi kezeńinde meditsina salasynyń qyzmetkerlerine salynady dep josparlanǵan. Onyń ishinde qabyldaý, juqpaly aýrýlar bóliminiń, jansaqtaý jáne hirýrgiialyq bólim qyzmetkerlerine júrgizilmek.Al ekinshi kezeńde muǵalimderge jáne juqtyrý qaýpi neǵurlym joǵary bolyp sanalatyn mamandyq ielerine salynady.
