Foto:elements.envato.com
Qyzylorda oblysynda oblystaǵy orta bilim berý uiymdarynda jalǵan diplommen jumys isteitin 112 muǵalim áshkere bolyp, barlyǵy jumystan bosatylǵan, - dep habarlaidy Tengrinews.kz tilshisi.
Bul týraly Oblystyq bilim basqarmasynyń basshysy Aqzira Qasymova Facebook paraqshasynda jazdy.
"Biz oblystyq deńgeide jyl saiyn pedagogtardy attestatsiialaý barysynda muǵalimderdiń portfolioǵa jalǵan qujattardy salatynyn anyqtaimyz. Ásirese, kúmán keltiretin qujattardy (sertifikat, gramota) ulttyq biliktilik testileýdiń túpnusqaǵa sáikestigin naqtylaý isin ashyq júrgizip, zańbuzýshylyqty der kezinde ózimiz anyqtaimyz.
Máselen, byltyr qańtar-maýsym ailarynda attestattaý komissiiasy 863 qujatty qarap, 24 muǵalimnen jalǵan qujatty baiqadyq. Al shilde-jeltoqsan aralyǵynda 587 qujat qarap, 14 muǵalim túpnusqany dáleldei almady. Alaida, árbir pedagogtan túsinikteme alyp, jalaqyǵa ústeme tólenbedi. Biýdjetke shyǵyn keltirmedik", - dep jazdy Aqzira Qasymova.
