Foto: ashyq derekkóz
Qarjylyq monitoring agenttiginiń Qyzylorda oblysy boiynsha departamenti tsifrlyq aktivterdiń zańsyz ainalymyn uiymdastyrý jáne esirtki satýdan túsken kiristerdi zańdastyrý deregi boiynsha tergeýdi aiaqtady, dep habarlaidy Ult.kz.
Tergeý málimetinshe, bir jyl boiy kásibi aqsha jylystatýshylar toby Binance platformasy arqyly tsifrlyq aktivterdi aiyrbastaý operatsiialaryn júrgizgen. Kriptoámiiandar arqyly ótken jalpy ainalym 1,88 milliard teńgeden asqan.
Sonymen qatar kúdiktiler «Fresh», «Butterfly», «CrystalOrganic», «Traýtvait NON kivi» jáne «SkittyShop» Telegram-arnalary arqyly esirtki satýdan túsken 603 million teńgeni zańdastyrǵany anyqtaldy.
Qylmystyq shema barysynda shetel azamattarynyń atyna tirkelgen drop-kartalardyń uiymdasqan jelisi paidalanylǵan.
Qylmystyq jolmen alynǵan qarajatqa kúdiktiler turǵyn úi, páter, bes avtokólik satyp alyp, sondai-aq otbasylyq meiramhana salǵan.
Sot sanktsiiasymen atalǵan múlikke tyiym salyndy. Qylmystyq is sotqa joldanyp, eki kúdikti qamaýǵa alyndy.
